Նախագծի աղբյուրը՝ Արմինե Գոգինյանի բլոգ։
Նախագծի նպատակը.
- սովորողներին հաղորդել մեղուների մասին կարևոր գիտելիքներ
- ձևավորել հետաքրքրություն և հոգատարություն մեղուների հանդեպ
- կազմակերպել մեղվախաղեր
- ծանոթանալ և սովորել պահպանել անվտանգության կանոնները
Նախագծի խնդիրները.
- նախապես ծանոթանալ տեղեկատվական նյութին
- հետաքրքիր փաստերը ուսումնասիրելով՝ գտնել կապեր մեղվաբուծության և մաթեմատիկայի մեջ
- կազմել խնդիրներ, առաջարկել ընկերներին
- ծանոթանալ նոր բառերի հետ՝ նեկտար, ծաղկափոշի, փեթակ, շրջանակ
- ապրիլ- մայիսին կազմակերպել հանդիպումներ մեղվանոցում
Նախագծի մասնակիցներ՝ Արևելյան դպրոցի 2-1 դասարան, ընտանեկան դպրոցներ
Նախագծի համակարգող՝ Արմինե Գոգինյան
Նախագծի իրականացման ժամանակահատվածը`
Շուրջտարյա
Ընթացքը.
Նախագիծը բաղկացած է մի քանի փուլից:
- Նախապես նախագիծը ուղարկվել է մեզ, որպեսզի ծանոթանանք, պատրաստենք հարցեր: Հանդիպումների ընթացքում զրուցելու ենք հրաշագործ մեղուների մասին, քննարկելու տեղեկատվական նյութը, փորձենք հասկանալ՝ ինչքանով են յուրացրել սովորողները այն, պատասխանել առաջացած հարցերին:
- Մեղրի մասին հարցազրույց վերցնել ընտանիքի անդամներից, նկարել լոգո սեբաստացի մեղրի մրցույթի համար։
- Կազմակերպելու ենք մեղրի համտես, քննարկենք մեղրի գույնը, համը, հոտը։ Ինչի են նմանեցնում սովորողները մեղրը։ Եթե մեղրը մարդ լիներ, ապա իրենց որ հարազատին նման կլիներ և այլն։
- Հաջորդ հանդիպումը արդեն Արատեսում կլինի՝ հունիս- օգոստոս ամիսներին: Ճամբարականները կտեսնեն մեղուներին, կծանոթանան մեղվապահական աշխատանքներին, կլինեն մեղվապահի տանը, աշխատանքային սենյակում։